Enriquez naka silver, Lao 4th place sa Asian Games

by Gerard Arce @Sports News | October 4, 2026

Photo: Humarap sa matinding laban si Fil-Am grappling world champion Alexandria Luz Enriquez (ilalim) nang kapusin sa  Asian Games debut nang bawian ni Thai grappler Orapa Senatham sa finals match ng jiu-jitsu women’s under-63 kg division sa kanilang medal round kahapon sa Asian Games, Japan. (pocmedia) 

Nanghinayang si Fil-Am grappling world champion Alexandria Luz Enriquez nang kapusin sa  Asian Games debut nang mabawian ni Thai grappler Orapa Senatham sa finals match ng jiu-jitsu women’s under-63 kg division sa 20^th Aichi-Nagoya 2026 sa Aichi Prefectural Martial Arts Hall sa Japan.

Aminado ang 27-anyos na 2023 Warsaw World Champion  na kinapos ito sa kanyang performance vs. Thai grappler na minsang pinatapik sa semifinals ng 2026 Sanya Asian Beach Games kung kaya nagtapos siya sa silver medal.

“Sayang sobrang close, I had a very dominant run I’d say, no points scored on me,” aniya na nakapasok sa finals kontra kina Dania Obaid ng Palestine sa round of 16, Marian Zhravleva ng Kazakhstan sa quarterfinals, at Narankhishig Baansanjargal ng Mongolia. Nangako si Enriquez na babalik at babawi sa 6^th Asian Indoor and Martial Arts Games (AIMAG) sa Amman, Jordan sa Dis. 13-21.

Samantala, nabigo si Andrea Lois Lao kay Narankhishig Baasanjargal ng Mongolia para makuha ang tansong medalya para sa Women’s -63kg (Jiujitsu). Una niyang tinalo si Azhar Salykova ng Kazakhstan sa Round of 16 para makapasok sa medal round.  

Dalawang medalya ang iuuwi ng koponan mula silver kina Enriquez at tanso mula kay Kaila Napolis sa women’s under-52 kg division.