Gin Kings, nagkampeon, Jamie, LA at JB, nanambak

ni Clyde Mariano @Sports | January 16, 2023

Sa wakas matagumpay na nakamit ng Barangay Ginebra ang hindi nila nagawa sa Game 6 at tinalo ang Bay Area Dragons sa winner-take-all Game 7, 114-99 at muling napasakamay nila ang korona sa PBA Commissioner’s Cup na pinanood ng mahigit 54,589 PBA fans sa Philippine Arena kagabi.

Nagawa nang makabawi ng Kings at pinakilig ang fans mula sa kabiguan ng 'Pinas sa Ms. Universe. Itinanghal na ultimate player of the game si Jamie Malonzo sa 22 points at 23 rebounds.

Lamang ang Kings sa Bay Area Dragons 5-3 sa kanilang head-to-head duel. Tinalo ng Kings ang guest team sa elimination at apat na beses sa best-of-seven title series.

Determinadong kunin ang korona at biguin ang guest team upang maging pangatlong foreign team na mag-champion sa PBA at duplikahin ang ginawa ng Nicholas Stoodley noong 1980 at NCC noong 1985. Masayang tinanggap ng Ginebra ang coveted trophy kay PBA Chairman Ricky Vargas kasama si Commissioner Willie Marcial. “They played one hell of a game in there’s no tomorrow Game 7. They courageously and gallantly fought the enemy. They’re really determine to win and they got it,” sabi ni Cone.

Ang titulo ay pang 25th na ni coach Tim Cone mula 1994 at panatilihin ang magandang record most winningest coach sa PBA. Ika-6 na PBA title ito ni Brownlee na tumapos perfect 6-of-6 sa finals. Hindi napigilan ang 34-year old resident American import taga Georgia ng mga players kasama si Myles Powell na itinalaga ni coach Brian Goorjian na kontrolin at limitahin ang kanyang lakas.

Ginawa ni Powell ang lahat para paralisahin si Brownlee. Subalit bigo ang 25 years old, 6-foot-2 NBA veteran taga Trenton. Kinontrol ng Ginebra ang laro na lumamang 27-21 at pinalobo ng 11 points, 40-29, sa tres ni Scottie Thompson.

Umiskor si Brownlee na 24 points, apat na tres at perfect 2 of 2 sa charity lane, Thompson 11 at si Japeth Aguilar 10 points sa Ginebra na gumawa na 9 of 18 sa rainbow territory, humakot 34 rebounds at 17 assists.