German worker, inilusot ang painting sa museum, tinanggal sa trabaho

ni Angela Fernando - Trainee @News | April 11, 2024

Ibinida ng German museum worker sa isang gallery sa kilalang museum sa Munich ang kanyang sariling obra dahilan para siya ay matanggal sa trabaho.

Ang 51-anyos na exhibition technician at self-proclaimed na 'freelance artist' ay nakapagpuslit ng isa sa kanyang mga painting sa Pinakothek der Moderne sa Munich, Germany, nu'ng Pebrero 26 at inilagay ito sa isang pader sa isa sa mga gallery, ayon sa German tabloid na Süddeutsche Zeitung at sa pulisya ng Munich.

Agad namang inalis sa display ang nasabing obra matapos itong madiskubre ng mga security personnel.

Kasalukuyan na ring iniimbestigahan ng pulisya ang lalaki para sa mga kasong damage to property at isang krimen na maaaring magdala ng multa o sentensyang pagkakakulong na hanggang 2 taon kung siya ay mapatunayang guilty.