Gas station, hinoldap ng riding-in-tandem

ni Mervin Reyes @News | October 19, 2026

Iniimbestigahan ng pulisya ang panghoholdap sa isang gasolinahan sa Brgy. Pias Sur, Currimao, Ilocos Norte, nitong madaling-araw ng Oktubre 17.

Ayon sa pulisya, dalawang lalaking sakay ng itim na motorsiklo ang nagpagasolina bago umano tinutukan ng baril ng angkas ang pump attendant at tinangay ang hindi pa matukoy na halaga ng koleksiyon.

Patuloy na sinusuri ng mga imbestigador ang mga kuha ng closed-circuit television (CCTV) camera mula sa mga kalapit na establisimyento at barangay. Kinakapanayam din ang mga posibleng saksi upang matukoy ang mga suspek at mabuo ang mga pangyayari sa likod ng insidente.