Gas-and-run, strikes again
- BULGAR
- 30 minutes ago
- 1 min read
ni Jeff Tumbado / Mai Ancheta @News | May 6, 2026
Photo: QCPD / CCTV
Tinutugis na ng Quezon City Police ang isang lalaki na umano’y sangkot sa panibagong serye ng “gas-and-run” sa gasolinahan sa Mindanao Ave., Quezon City.
Ayon sa report ng Quezon City Police District, naganap ang insidente alas-3:16 ng madaling-araw nitong Linggo sa Brgy. Bahay Toro.
Sakay umano ang suspek sa asul na sedan nang magpakarga ito ng gasolina na nagkakahalaga ng P1,500.
Matapos makapagpakarga, agad itong tumakas nang hindi nagbayad.
Agad namang iniulat ng attendant ang insidente, dahilan upang magresponde ang pulisya at maglabas ng flash alarm.
Sinusuri na ng QCPD ang mga kuha ng CCTV sa lugar.
Comments