Fuel tanker sa Haiti sumabog; 60 katao patay

ni Jasmin Joy Evangelista | December 15, 2021

Nasa 60 katao ang namatay matapos sumabog ng isang fuel tanker sa northern Haiti.

Ayon sa report, nasangkot ito sa isang aksidente sa city of Cap-Haïtien, at ang mga naging biktima ng pagsabog ay ang mga kumuha ng nag-leak na gasolina rito.

Nagdeklara ng three days of mourning si Prime Minister Ariel Henry matapos ang pangyayari.

"I learned, with desolation and emotion, the sad news of the explosion last night in Cap-Haïtien,” pahayag nito sa Twitter.

Pinangangambahan pa ng local medics na posibleng tumaas pa ang death toll dahil marami pa sa mga naging biktima ang malala ang kondisyon.

“We don't have the ability to treat the number of seriously burned people," pahayag ng isang nurse sa Justinien University Hospital. "I'm afraid we won't be able to save them all."

"We are overwhelmed," pahayag naman ng isang doktor sa Haiti's Le Nouvelliste newspaper.

Ayon naman sa gobyerno ng Haiti, nagde-deploy na sila ng field hospitals sa lugar ng inisidente upang makatulong sa mga naapektuhan ng pagsabog.

"We need human resources, and also material resources, namely serum, gauze, and anything that can be used in case of serious burns," ani Mayor Pierre Yvrose.

Mayroon ding 20 kabahayan ang nasunog dahil sa pagsabog.

Samantala, ipinahayag ng United Nations office sa Haiti na handa itong tumulong sa gobyerno at mga apektadong indibidwal sa tanker explosion.