Frederick Go, bagong Presidential Adviser on Investment and Economic Affairs

ni Lolet Abania | January 21, 2023

Itinalaga ni Pangulong Ferdinand “Bongbong” Marcos Jr. si Robinsons Land president at CEO Frederick Go bilang Presidential Adviser on Investment and Economic Affairs.

Ayon sa Presidential Communications Office (PCO), si Rafael Consing Jr. ay tutulong kay Go sa nasabing office.

Inanunsiyo ang appointment ni Go habang si Pangulong Marcos ay nasa Switzerland para dumalo sa World Economic Forum (WEF). Nakipagpulong din si P-BBM kasama ang mga business leaders mula sa ibang mga bansa sa kanyang trip.

Sa ginawang pahayag sa Philippine Stock Exchange, inanunsiyo ng ICTSI na si Consing, kanilang CFO at compliance officer, ay magreretiro na mula sa kanyang tungkulin na anito, “with immediate effect.”

“Mr. Rafael D. Consing Jr. (Joel) has accepted his nomination to a position in the Office of the Presidential Adviser on Investment and Economic Affairs, Office of the President of the Republic of the Philippines,” ayon sa kumpanya.