FRANCINE, NAG-YES NA KAY SETH

ni Rensel Sabando - Trainee @Entertainment | February 12, 2024

Mainit ang naging pagtanggap ng mga Pinoy fans sa tambalang FranSeth nang mag-perfom sila sa Barrio Fiesta 2024 sa Dubai.

Hindi napigilan ng mga fans ang tumili at magpa-selfie sa kanilang love team. Ngunit sa kalagitnaan ng kanilang performance, biglang nagbigay ng red rose si Seth kay Francine Diaz na kinakiligan ng buong fans nila sa Dubai.

“Yes, yes, yes, ” ang sigaw ng mga Pinoy fans kasama si Seth para sa kanyang katanungan kung maaaring maging ka-date niya si Francine sa nalalapit na magical prom night ng ABS-CBN sa March 14, 2024.

Habang patuloy ang pagtili ng mga Pinoy fans abroad ay mas nadagdagan pa ito nang mag-“Yes” si Francine sa tanong ng ka-love team.

Samantala, patuloy ang suporta ng fans sa kanila at pag-abang sa mga puwede pa nilang maging movie this year. Mapapanood ang dalawa sa isang music video sa kantang “Muli” ni Ace Banzuelo na umani ng million of views.