Former Senator JV Ejercito, nagpositibo sa COVID-19
- BULGAR
- Jan 4, 2022
- 1 min read
ni Lolet Abania | January 4, 2022
Ipinahayag ni dating Senador Joseph Victor “JV” Ejercito na tinamaan siya ng COVID-19 sa gitna ng pagtaas ng impeksiyon sa Metro Manila.
Unang binanggit ni Ejercito na sana’y agad makarekober si Navotas City Mayor Toby Tiangco, na nagpositibo sa COVID-19, habang sinabi nitong tinamaan din siya ng naturang sakit.
“Pareng @TobyTiangco get well soon! Sabay pa tayong nag-positive! Bilis kumalat nitong Omicron pero buti na lang mild lang siya! Ingat lang lahat!” ani Ejercito sa isang tweet.
Sa hiwalay na statement sa mga reporters, sinabi ni Ejercito na nakaranas siya ng mild symptoms at aniya, ito ang unang beses na na-infect siya ng virus.
“Pero it’s mild, after two days wala na ako fever or other symptoms,” sabi ni Ejercito sa kanyang Viber message.
Muling tatakbo sa senatorial bid sa 2022 elections si Ejercito, kung saan nabigo siyang makapasok sa Magic 12 noong 2019 midterm elections.
Comments