Flying Titans, pasok na sa Semis

ni Gerard Arce - @Sports | March 30, 2022

Nalusutan ng Choco Mucho Flying Titans ang masigasig na pagsubok na ibinigay ng PLDT High Speed Hitters sa bisa ng maaksyong 5th setter sa 25-21, 23-25, 29-31, 25-15 at 15-11 kahapon upang makausad sa semifinals sa dumadagundong na Premier Volleyball League (PVL) Open Conference sa Fil-Oil Flying V sa San Juan City.

Muling pinangunahan ni Kat Tolentino ang atake ng Flying Titans na makakalaban ang Creamline Cool Smashers sa darating na Biyernes, na rumehistro ng 19pts, habang sinegundahan siya ni dating UP Fighting Maroons lady spiker Isa Molde sa 18pts (14 attacks) at Aduke Agunsanya sa 12pts. Namahagi naman ng 30 excellent sets at 18 excellent digs si Deanna Wong habang may 12 excellent reception si Denisse Revilla.

Hindi nagpatinag ang Flying Titans matapos na makuha ng Heavy Hitters ang 2nd at 3rd set, kung saan pinaalalahanan ang kanyang mga manlalaro na manatiling magtiwala sa kakakyanan ng koponan, ng kanyang mga team mates at sa sistemang pinapatakbo ng koponan.

“When we lost 2 sets to 1, I just tell the players to show mental toughness and increase faith in themselves, in the system and in their team mates, which they did kaya nung 4th set medyo gumanda yung kilos nila, and luckily the Lord gave us additional strength to win this game,” pahayag ni coach Oliver Almario na pinapurihan naman ang ibinigay na magandang laro sa kanilang ng heavy Hitters. “It’s quarterfinals and it’s do or die games, so we expect everything will play as hard as they can, so they give the very best they can give kase no more tomorrow. Good thing na may twice-to-beat advantage eh, but we don’t think about it, and I’m sure PLDT doesn’t that taking otherwise na we can get 1 at meron pang isa, but one important is na-sustain ng team kung anong ibinigay na challenge ng PLDT.”

Nanguna naman sa Heavy Hitters si Toni Rose Basas sa 16pts na sinundan ni Dell palomata sa 15pts, Fiola Ceballos sa 12ptts at at 21 excellent reception, at Jules Samonte sa 11pts, habang mayroong 36 excellent sets su Rhea Dimaculangan.