Fil-Am Steven Raga, kauna-unahang New York state assemblyman

ni Lolet Abania | January 16, 2023

Ang kauna-unahang Filipino-American na nahalal bilang assemblyman sa New York state na si Steven Raga ay pormal nang nanumpa sa kanyang tungkulin nitong Linggo sa New York City.

Kakatawan si Raga sa District 30 of Queens, kung saan naninirahan ang maraming Asian-American community.

Sa harap ni US Senate Majority Leader Chuck Schumer personal na nanumpa si Raga sa isang ceremony na ginanap sa Queens Museum habang dinaluhan ng mga pulitiko at mga supporters.

Tinawag ni Schumer na, “the future of America” si Raga, na anak ng isang Pinoy immigrant na mula sa Laguna.

Sa isang statement, sinabi ni Philippine Consulate General Senen Mangalile na masaya nilang tinanggap ang makasaysayang pagkakahalal kay Raga bilang kauna-unahang Filipino-American assemblyman ng New York state.

“The Philippine Consulate General in New York considers Steven’s historic victory as a validation of the resounding political voice of the Filipino-American community in particular, and the Asian Americans and Pacific Islanders (AAPI) community, in general.

With Steven in office, the welfare and interests of Filipino-Americans and the AAPI will be pushed to the forefront,” pahayag ni Mangalile.

Ayon kay Raga, sa kanyang pag-upo sa puwesto, tututukan niya ang tungkol sa bail reform, daragdagan ang mga criminal at civil penalties para sa mga gun traffickers, bibigyang pansin ang mental health services, at dagdag na pondo para sa police force.