Fiberxers, may tsansa sa q'finals; Diay, nasa kritikal na kondisyon

ni Gerard Arce - @Sports | July 21, 2022

Nanatiling buhay ang tsansa sa quarterfinals ng Converge FiberXers matapos matakasan ang nanghihinang Blackwater Bossing sa iskor na 92-90 kahapon sa mas lumalalim na tagpo sa elimination round ng 2022 PBA Philippine Cup sa Smart Araneta Coliseum.

Magkasunod na baskets ang isinalpak ni rookie Justin Arana sa nalalabing segundo ng laro upang umakyat sa solo 8th spot na hinihintay pa ang laro ng Rain or Shine, na naglalaro as of presstime, gayundin ang umaasa rin sa last spot na Phoenix Super LPG at Northport Batang Pier.

Nanguna sa puntusan para sa FiberXers si Maverick Ahanmisi sa 18pts, 7 assists, 4 rebounds at 1 steal mula sa 6-of-11 shooting at 4-of-8 sa tres, habang sinegundahan ito ni Arana sa 13pts at 5 boards, gayundin na may double-double sa Abu Tratter sa 10pts at 10rebs. Mayroon ding ambag si Alec Stockton sa 9pts at Allyn Bulanadi sa 8pts.

Samantala, nasa kritikal na kalagayan ngayon si Asia's Sprint Queen Lydia de Vega Mercado bunga ng stage 4 breast cancer mula 2018 at kasabay nito ang paghingi ng pinansiyal na tulong ng anak niyang volleyball player na si Stephanie Mercado sa social media kahapon para sa tuluy-tuloy na gamutan ng dating atleta na itinanghal na Asia's fastest woman sa loob ng 8 taon.

"As the disease is progressing, her condition is quickly worsening despite undergoing many procedures including brain surgery. I am requesting everyone to please pray for her in this desperate time of need. If anyone would like to assist financially to cover her medical expenses, any donation would be deeply and whole-heartedly appreciated ❤ maraming salamat po!"