Ex-Speaker Romualdez, ‘di konektado sa mga Discaya — counsel

by Info @News | January 15, 2026

Photo: Discayas at Martin Romualdez - Senate PH, HOR

Itinanggi ng kampo ni dating House Speaker Martin Romualdez ang umano’y koneksyon ng kanilang kliyente sa mag-asawang sina Pacifico ‘Curlee’ Discaya at Sarah Discaya kasunod ng mga ulat na ginamit umano nitong ‘front’ ang mag-asawa para sa pagbili ng high-end property sa Makati City.

“Rep. Romualdez has not met the Discayas and has only heard of them based on what is being said in media reports. As such, the claim in the report about using the Discayas as a front in a property purchase is outright baseless,” ayon kay Atty. Ade Fajardo na abogado ni Romualdez.

Binigyang-diin din nito ang sinumpaang testimonya ni Curlee sa pagdinig noong Setyembre 2025 na wala silang kahit anong transaksyon sa dating speaker at ginagamit lamang ang pangalan nito ng walang anumang pagsisiyasat sa kanya.

“This sworn testimony is part of the official congressional record and directly contradicts the insinuations now being revived in public discourse,” saad pa nito.