Ex-QC Councilor Sotto-Antonio, bilang MTRCB chief – P-BBM

ni Lolet Abania | July 7, 2022

Itinalaga ni Pangulong Ferdinand “Bongbong” Marcos Jr. si dating Quezon City councilor Diorella Maria “Lala” Sotto-Antonio bilang chairperson ng Movie and Television Review and Classification Board (MTRCB).

Ito ang kinumpirma ng ama ni Sotto-Antonio, na si dating Senate President Vicente Sotto III, ngayong Huwebes.

Nagpasalamat naman si Sotto kay Pangulong Marcos sa pagbibigay ng tiwala at kumpiyansa nito sa kanyang anak.

“I believe she will do well given her background. Besides, she has two excellent women former chairpersons to emulate, Senator Grace Poe and Congresswoman Rachel Arenas,” pahayag ni Sotto.

Isang Quezon City councilor si Sotto-Antonio ng maraming termino at nagsilbi rin bilang chief of staff sa panahon ng pagnunungkulan ng kanyang ama sa Commission on Appointments mula 2010 hanggang 2012.