ni Ronalyn Seminiano Reonico | June 24, 2021
Pumanaw na si dating Pangulong Benigno "Noynoy" Aquino III ngayong Huwebes nang umaga sa edad na 61.
Habang isinusulat ang balitang ito, hindi pa malinaw kung ano ang ikinamatay ni ex-Pres. Noynoy ngunit una nang naiulat na isinugod umano siya sa Capitol Medical Center sa Quezon City.
Nakita rin ang pagdating ng kapatid ni Noynoy na si Kris Aquino sa nasabing ospital bandang alas-9 nang umaga.
Saad ni Supreme Court Associate Justice Marvic Leonen, “It is with profound sadness that I learned this morning the passing of former President Benigno S. Aquino III.
“I knew him to be a kind man, driven by his passion to serve our people, diligent in his duties and with an avid and consuming curiosity about new knowledge and the world in general.”
Samantala, wala pang inilalabas na pahayag ang pamilya Aquino ukol sa insidente.