Ex-BF na si John Lloyd, binati nu'ng birthday… “HELLO, JL! I HOPE YOU’RE HAPPY" — RUFFA

ni Beth Gelena - @Bulgary Files | June 26, 2022

Hindi nakalimutang i-greet ni Ruffa Gutierrez ng "happy birthday" ang ex-boyfriend na actor na si John Lloyd Cruz kung saan magkasabay sila ng kaarawan kahapon, June 24.

Live ang It's Showtime kahapon, Friday, kaya nagkaroon ng chance na i-greet ng former beauty queen ang ex-BF.

Sa set naman ng rom-com niyang Happy ToGetHer sa Kapuso Network nagselebreyt ang aktor kung saan present ang rumored girlfriend na si Isabel Santos at ang anak na si Elias.

Si Vhong Navarro ang unang nakaalala na birthday ni JLC.

“Dahil birthday mo ngayon, Ruffa, may babatiin din ako na nagbi-birthday din ngayon. Happy birthday kay John Lloyd Cruz!” ani Vhong.

“Grabe naman!” sambit ni Ruffa.

May nagtanong kung bakit ganu'n ang reaksiyon ng aktres-beauty queen.

Sagot ni Ruffa, “I forgot kasi!”

“Ikaw kasi nagpaalala sa akin, Vhong, na birthday din ni John Lloyd today,” aniya pa.

“Kasi kaibigan ko rin ‘yun, eh, parang ikaw, kaibigan ko,” esplika ng komedyanteng aktor-TV host.

Dagdag pa niya, “Kaibigan nating lahat!”

“Hello, JL! I hope you’re happy!” sey ni Ruffa.