Ex at bagong GF ni John Lloyd… ELLEN AT ISABEL, TODO-STALK SA ISA’T ISA

ni Vinia Vivar @Frankly Speaking | June 17, 2026

Photo: Instagram

Inamin ni Ellen Adarna na bago sila naging close ng current girlfriend ni John Lloyd Cruz na si Isabel Santos ay ini-stalk niya muna ang Instagram (IG) account

nito.

Sinabi ito ng dating sexy actress sa panayam sa kanya ni Melai Cantiveros sa online show na Kuan on One (KOO).

Sey ni Ellen, curious lang siya dahil siyempre, bilang ina, gusto niyang malaman ang pagkatao ng magiging stepmother ni Elias, anak nila ni John Lloyd Cruz.

Siyempre, sa tuwing hinihiram ng aktor ang kanilang anak ay nakakasama rin nito si Isabel kaya understandable naman na alamin niya ang pagkatao nito.

Kasunod nito, first time raw silang nagkita sa isang art opening. Magkasama sina Lloydie at Isabel at siya raw ang unang nag-approach at bumati sa dalawa.

Inamin daw niya kay Isabel ang pang-i-stalk niya rito at ini-reveal din ng GF ni Lloydie na ganoon din siya kay Ellen.

Pagkatapos nito ay nag-follow-han na sila sa isa’t isa para raw hindi na niya i-stalk si Isabel.

Ngayon ay sobrang close na sila at sila nga raw lagi ang magkausap kesa kay Lloydie.

Dahil hindi raw pala-cellphone ang aktor, kapag may gusto siyang iparating na mensahe rito tungkol sa anak nila ay mine-message niya si Isabel para ipakita ito kay JLC.

Sey pa ni Ellen patungkol kay Isabel, “I love her, nakakatawa s’ya.”

Kamakailan ay nagbakasyon sina Ellen Adarna, John Lloyd Cruz at Isabel Santos sa Amanpulo kasama sina Elias, Lili (anak nina Ellen at Derek Ramsay) at pamilya ng aktor.

---

MASAYANG ibinalita ni Alfred Vargas at ng misis na si Yasmine na nakabalik na sa swimming ang anak nilang si Cristiano.

Ipinost ng mag-asawa ang video ng pagbabalik sa paglangoy ng kanilang anak matapos sumali sa swimming competition kamakailan.

“After months of serious challenges, setbacks, and deprived opportunities, Cristiano was finally able to compete in swimming once again. And what a comeback it was,” bungad ni Yasmine.

“Returning to the pool at the Milo Swim Competition after a long absence from the sport he loves so much, he delivered his best performances yet, improving in every single event and posting personal best times across the board,” patuloy niya.

Pagmamalaki pa niya sa anak, “What made it even more special was seeing him race with the bigger kids in the 9-10-year-old division and show his strength in the pool.”

Ibinahagi rin ng misis ni Alfred ang good news na nanalo ng award ang kanilang anak.

“On his long-awaited return to competition, he earned Most Outstanding Swimmer (MOS), Category A, making it his second consecutive year as a Most Outstanding Swimmer at the Milo Competition,” aniya.

Kasunod nito ay nagpasalamat si Yasmine sa mga tumulong sa anak para maging posible ang pagbabalik nito sa minamahal na sport.

“Our deepest gratitude to Coach Manny Thruelen for taking Cristiano under your wing even though you are already retired from coaching. Thank you for welcoming him, believing in him when he needed it most, and generously sharing your time, knowledge, and heart. Your guidance, patience, and unwavering support helped make this comeback possible. We will always be grateful for the impact you have made on Cristiano's journey,” mensahe niya.

“The stopwatch never lies. Genuine character transcends distortion & distractions. And God really protects and blesses the good and faithful hearted. We are so proud of you, anak!” pahayag pa ng misis ni Alfred.

Marami namang netizens ang natuwa na naka-recover na si Cristiano matapos ang traumatic experience ng umano’y pambu-bully sa kanya.