ES Vic Rodriguez, nag-resign – Malacañang

ni Lolet Abania | September 17, 2022

Nagbitiw na sa posisyon ang long-time lawyer at spokesperson ni Pangulong Ferdinand “Bongbong” Marcos Jr. na si Vic Rodriguez bilang executive secretary, ito ang kinumpirma ng Malacañang ngayong Sabado.

“We confirm reports that Atty. Vic Rodriguez has stepped down as Executive Secretary,” pahayag ni Press Secretary Trixie Cruz-Angeles.

Sa isang Facebook post, sinabi ni Rodriguez na ipagpapatuloy niya ang pagsisilbi sa gobyerno bilang Presidential Chief of Staff. Habang nagpasalamat siya kay Pangulong Marcos sa oportunidad na maupo sa naturang posisyon sa halos 3 buwan.

“I have asked permission to step down as Executive Secretary,” saad ni Rodriguez.

“There is nothing more rewarding than answering the call to serve the country, a rare privilege not extended to all but was given to me by the President… The work of an Executive Secretary is a 24/7 job with myriad topics expected to be attended to every day. It demands a sense of urgency which essentially requires almost all of a public servant’s time to ensure that services are met and delivered,” dagdag pa ni Rodriguez.

Nag-resign si Rodriguez mula sa Cabinet ng Pangulo ilang linggo kasunod ng tinatawag na sugar order fiasco.

Si Rodriguez ay nasa kampo ni P-BBM simula nang ang Chief Executive ay tumakbo sa vice presidential race noong 2016, at nang maghain sila ng electoral protests laban sa pagkapanalo ni Vice President Leni Robredo nang panahong iyon.

Nakuha ng 48-anyos na si Rodriguez ang kanyang law degree mula sa University of Santo Tomas (UST), bago siya sumali sa Negotiation and Influence Program ng National University of Singapore (NUS).