Epekto ng krisis sa 2020, mas damang-dama sa mga susunod na taon

ni Ka Ambo - @Bistado | August 7, 2020

Sa pinakahuling datos, bangkarote ang ekonomiya ng ‘Pinas sa nakaraang anim na buwan.

Inaasahang gagrabe pa ito sa susunod na anim na buwan dahil sa lockdown!

◘◘◘

MAHIGIT 60 percent ang recoveries sa COVID-19 at two percent lang ang mortality.

Malinaw na may “lunas” kontra COVID-19.

Pero sa bangkaroteng ekonomiya, walang malinaw na “lunas” ang gobyerno!

◘◘◘

KAPOS ng sintido kumon ang mga amuyong ni P-Digong.

May bakuna na raw kontra COVID-19 sa Disyembre.

Pero, may “bakuna” ba kontra sa bangkaroteng “negosyo”?

◘◘◘

OTSENTA porsiyento ang ibinagsak ng kita ng No. 1 commercial bank.

Pero, itinatago ang datos kung ilang “bangko” ang “bankrupt” na!

◘◘◘

HINDI maitatago ang nagkalat na saradong tindahan at negosyo sa buong bansa partikular sa Metro Manila.

Ang mga naglakas-loob na nagbukas, magsasarado na rin dahil “walang datung” ang mga konsumer!

◘◘◘

MISTULANG frontliners sa ekonomiya ang mga Bumbay.

Patuloy silang nagpapahiram ng cash sa mga micro businesses!

◘◘◘

ANG gobyerno, walang pakialam kung paano sasaklolohan ang mumunting negosyante.

Mas iniisip ng gobyerno kung paano peperhuwisyuhin ng “buwis” ang pobreng nagsisinop para may “pambili” ng pagkain!

◘◘◘

INIHAHANDA na ang annual budget sa 2021.

Eh, sinu-sino kaya ang magbabayad ng buwis sa naturang taon kung walang “income” ang mamamayan?

Sintido-kumon!

◘◘◘

SASANDAL sa pangungutang at pag-imprenta ng peso bills ang gobyerno.

Magpapalala ito ng grabe nang sitwasyon!

◘◘◘

NAKAKA-SURVIVE ang mayorya ng mamamayan ngayon.

Meaning, mayroon pang cash!

◘◘◘

Pero ang hawak na cash ngayon ay mula sa “normal na ekonomiya last year.

Ibig sabihin, walang “cash flow” ngayong taon—siyempre, wala ring available cash next year!

◘◘◘

ANG epekto ng krisis sa taong ito ay hindi mararamdaman sa kasalukuyang taon.

Ang krisis ay mararamdaman sa 2021 at 2022!

◘◘◘

MALINAW na may krisis sa ekonomiya sa panahon ng presidential elections sa 2022.

Buwenas ang mga makakalaban ng maka-Digong.

May magagamit silang “issue” sa black propaganda!