Edong Roy, award-winning director, pumanaw na

ni Lolet Abania | February 23, 2022

Pumanaw na ang award-winning director na si Eduardo “Edong” Roy Jr. dahil sa kumplikasyon sa lymphoma sa edad na 41, nitong Lunes.

Sa isang pahayag ng kapatid niyang si Myla, si Eduardo ay namatay sa St. Luke’s Medical Center sa Quezon City noong Pebrero 21.

“It is with great sorrow that we announce the passing of Eduardo ‘Edong’ Roy Jr. on February 21, 2022,” ayon sa pamilya Roy sa kanilang statement sa socmed.

“He died of massive pulmonary embolism due to hospital acquired pneumonia. He had been diagnosed late last year with Burkitt’s Lymphoma Stage IV.”

Ang kanyang labi ay nakatakdang iburol sa Pebrero 24-26 sa Arlington Memorial Chapels Hall A sa Araneta Avenue, Quezon City.

Naging tanyag si Roy sa mga pelikula gaya ng “Bahay Bata,” “Quick Change,” “Lola Igna,” “Pamilya Ordinaryo,” at “Fuccbois,” kung saan nagwagi siya bilang Cinemalaya best director noong 2019.