Eazacky, Gomezian at 4 pa pasiklaban sa 3-YO Race

ni Green Lantern - @Renda at Latigo | August 28, 2022

Pasiklaban ang anim na batang kabayo sa pangunguna nina Eazacky at Gomezian sa 2022 PHILRACOM 3-Year-Old Sprint Race na gaganapin sa San Lazaro Leisure Park sa Carmona, Cavite, ngayong araw.

Makakaharap nina Eazacky na pag-aari ni Ezel Besamis at pambato ni horse owner Alfredo Santos, Gomezian sina Club Kensai, Enigma Uno, Palauig at Roaring Kanyon sa distansiyang 1,000 meter race.

Hindi pa nagsisimula ang laban ay bakbakan na ang mga karerista sa debate sa social media kung sino ang mananalo sa laban.

Ayon sa ibang karerista walang nakakasiguro sa mga kalahok kung sino ang mananalo kahit patokin pa ito ng karera tipsters sa programa. "Kung sino maganda ang kondisyon 'yun ang malaki ang tsansang manalo kaya sa parada sipatin na maigi kung sino ang medyo masigla at sigurado maganda ang ipakikita ni kabayo," saad ni Peter Gil, veteran karerista.

Gagabayan ni jockey John Alvin Guce si Eazacky habang si class A rider Oneal Cortez ang gagabay kay Gomezian sa karerang nakalaan ang guaranteed prize na P1M na ikakalat sa unang apat na kabayong tatawid sa meta.

Kukubrahin ng mananalong kabayo ang P900,000 habang hahamigin ng second, 3rd at 4th placers ang tig-P337,500, P187,500 at P75,000 ayon sa pagkakahilera.

Magbubulsa rin ng P75,000 ang breeder ng winning horse, tig-P45,000 at 30,000 ang second at third. sa event na suportado ng Philippine Racing Commission, (PHILRACOM) na pinamamahalaan ni chairman Reli De Leon.

Maliban sa nabanggit na karera, tiyak na aabangan din ng mga karerista ang bakbakan ng walong tigasing kabayo 2022 PHILRACOM Special Invitational Race na ilalarga sa pang-siyam na karera.

Posibleng magdomina sa takilya ang kalahok na si Righteous Ruby sa distansiyang 1,500 meter race.

Makakatagisan ng bilis ni Righteous Ruby sina Darleb, Best Regards, magka-kuwadrang Time For Glory at Downsideprotection, Shastaloo, Shanghai Noon at Starrininmydreams.

Mga Pili ni Green Lantern:

Race 1 - My Sweet Lord (2), Rockaway (6), Luke Skywalker (14)

Race 2 - Gomezian (2), Club Kensha (4)

Race 3 - This Time (8), Twinkle Toes (6), Bisyo Mag Serbisyo/Meghan Maxene (1/1A)

Race 4 - Cash Is King (9), Del Monte (6), Moves Like Jagger (5)

Race 5 - Super Master (5), Work From Home/California King (6/6A), Electrify (8)

Race 6 - Our Secret (5), Fortune Island (10), Sweet City (9)

Race 7 - Winged Heart (6), Early Bird (7), Super Cong (9)

Race 8 - Pepper Pirate (6), Baby Boss (4), Galing Sa Mabait (5)

Race 9 - Righteous Ruby (8), Best Regards (3), Shastaloo (5)

Race 10 - Fortress (2), Greatest Joy (1), It's A Deal (9)

Race 11 - Gentle Giant/Lil John (4/4A), Saoirse (3), Margaux (2)

Race 12 - Es Em Bee (1), My Jopay (10), In The Zone (6)

Race 13 - Caraga Wonder (6), Raxa Bago (13), Red Hawk (14)