Eala third seed, Pegula atras sa Singapore Open

by Gerard Arce @Sports News | September 17, 2026

Photo: Alex Eala / IG

Maktatanggap ng No.3 seed si Filipina tennis star Alexandra “Alex” Eala sa panimulang kampanya sa Asian Swing na WTA 500 Singapore Tennis Open matapos umatras si world No.3 at dating katapat sa finals na si Jessica Pegula ng US simula Set. 21-27 sa OCBC Arena sa The Kailang, Singapore.

Inilahad ng 32-anyos na 11-time women’s singles titlist na dismayado siya at kailangan niya ng pahinga kaya umatras muna sa Singapore Open, na tangan sana ang No.1 seed sa torneo na itinataguyod ng BNP Paribas.

“I'm really disappointed to have to withdraw from Singapore,” pahayag ng 2024 US Open finalists sa kanyang social media account matapos malaglag sa 2026 US Open semifinals kontra World No.2 Aryna Sabalenka sa 5-7, 2-6. "After a long and physically demanding few weeks at the US Open, I'm just not quite ready to get back on court and compete at the level I expect from myself. I was really looking forward to playing in Singapore and hope I can come back in the future."

Matapos ang Singapore Open ay didiretso si Eala para palakasin ang tsansa sa medalya ng Pilipinas sa 20^th Aichi-Nagoya Asian Games, na planong pataasin ang nakuhang bronze medal sa singles event at isa pang tanso sa mixed doubles, katambal sa Hangzhou Games si Francis Alcantara.