Dyowa ng 27 yrs. na si Hajji, after mamatay… ALYNNA, BALIK-CONCERT NA

ni Julie Bonifacio @Winner | May 14, 2025

Photo: IG Alynna Velasquez II

Mamayang gabi na magaganap ang show ni Alynna sa Viva Café na pinamagatang I’m Feeling Sexy Tonight! (IFST). This is her first solo show after 2 decades.

Yes, Jans! Two decades talaga. Kasi nga, ang relasyon niya sa pumanaw na music icon na si Hajji Alejandro ay tumagal ng almost 27 years.

During that time, nag-lay low na siya sa showbiz, kahit super hit ng kanta niyang Kahit Gaano Kalaki (KGK).

Natural lang na halu-halong emotions ang nagpapakabog ng dibdib ni Alynna before her concert.

“Gosh… matagal,” buntong-hininga ni Alynna. 

Aniya, “Two decades, maybe. Pero in between that, may corporate events pa rin naman ako. Campaigns, marami. ‘Yun, malaki ang kita ru’n. And since sikat ‘yung single ko, ‘yun pa rin ang mga kinakanta ko. Buhay ‘yung kanta, buhay din ako.”

Sa kanyang pagbabalik sa entertainment arena, may makabuluhang rason si Alynna.

Pahayag niya, “Because I feel na iniwanan ko, eh. Lahat ng bagay kasi na ginagawa ko, ayokong iniiwan. Eh, singing is my passion. Two years pa lang ako, ang dami ko nang kinakantahan.

“So, I feel habang may gustong makinig sa ‘yo, kumanta ka. And habang kaya mong kumanta. Uh, lalo na ngayon, I’m going through something. I feel I have to voice it out.

“Lalo na ngayon may pinagdaraanan ako. I feel I have to do something. I feel I have to voice it out by putting music in my experience na puwede kong mai-share sa mga going through the same thing with me.”

Bonggabels ang line-up ng mga songs ni Alynna sa show. Kakantahin niya ang kanyang mga kanta from her KGK album with a twist.

Siyempre, kakanta rin siya ng mga bagong songs from Lady Gaga and Bruno Mars.

At sa bandang finale ay may pa-tribute siya sa kanyang yumaong partner na si Hajji.

Abangan ang paglalantad ni Alynna ng kanyang puso at katotohanan sa publiko for the last time.

Magpe-perform din sa show ang Star Music artist and the voice behind the hit song Reyna na si CHRISTI, at ang baguhang singer na si Jeri Violago.

Puwede pa pong bumili ng tiket sa entrance ng Viva Café tonight. Show starts at 9 PM.

---

No appearance ang governor-elect na si Star for All Seasons Vilma Santos-Recto sa kanyang proklamasyon kahapon.

Tanging ang mister niyang si Finance Secretary Ralph Recto at anak nila na si Ryan Christian ang dumating. 

Si Ryan ay naiproklama bilang bagong congressman sa ika-anim na distrito ng Batangas.

When asked ng media si Sec. Ralph kung nasaan si Gov. Vi, nagpapahinga raw at kasama ang apong si Peanut sa kanyang panganay na anak na si Luis Manzano at misis nito na si Jessy Mendiola.

As we all know, member ng ‘Lotlot and Friends’ si Luis dahil natalo siya sa kanyang kauna-unahang attempt sa pulitika.

Duda ng mga netizens, baka raw mas gusto ni Gov. Vi na nasa tabi ni Luis at pamilya nito sa pagkatalo sa eleksiyon bilang vice-governor ng Batangas.

Alam n’yo naman ang mga ina, mas importante ang kaligayahan ng mga anak kesa sa kanilang sarili. At maging sa pagdurusa, mas nasasaktan sila.

Tsika nga ng mga netizens, si Luis ang isa sa primary reasons kaya bumalik sa pagka-gobernador ng Batangas si Ate Vi.

Wala naman na daw kasing dapat patunayan pa si Gov. Vi pagdating sa public governance especially sa Batangas. At ‘yun ang gusto niyang gawin – magabayan si Luis sa kanyang journey “sana” as a public servant.

Malay naman natin, sa susunod na pagkakataon ay masungkit na ni Luis ang isang government post.

Kung ang ama nga ni Luis na si Edu Manzano, ilang beses nag-try tumakbo for public office pero ‘di pa rin pinalad.

Ang suwerte naman ay ‘di pang-“like father, like son,” ‘noh?

Iba ang nakaguhit na kapalaran kay Luis at iba rin kay Edu.