ni Jasmin Joy Evangelista | October 22, 2021
Nagbabala si Health Secretary Francisco Duque III sa mga "super spreader event" na maaaring maging sanhin ng pagtaas ng kaso ng COVID-19 sa mga susunod na buwan.
Ito ay matapos makitang dinadagsa ng maraming tao ang ilang pampublikong lugar, gaya ng "dolomite beach" sa Manila Baywalk.
"These are super spreader events. This is potential for a possible surge in the future," ani Duque.
“Hopefully we continue to discipline ourselves and comply with the minimum public health standards," dagdag niya.
Pero ayon din kay Duque, kung patuloy na bababa ang Covid cases ay posibleng maibaba pa sa alert level 1 ang NCR sa Disyembre.