ni Ka Ambo - @Bistado | October 28, 2020
Idineklara ni P-Digong ang giyera kontra korupsiyon.
Maraming nakapaligid sa kanya ang napayuko sa sahig!
◘◘◘
Unang makakalaban ni P-Digong laban sa korupsiyon ay ang mga nasa sa paligid.
Opkors, kasama ang miyembro ng pamilya, kaanak at kaibigan!
◘◘◘
Nanatili ang Metro Manila sa GCQ.
Sige, pabagsakin pa ninyo ang ekonomiya!
◘◘◘
Kakaunti ang behikulo sa kalye kahit pinaluwag na ang quarantine.
‘Yan na ang bagong normal!
◘◘◘
Bagong normal ang maluwag na trapik dahil sarado ang sangrekwang negosyo, eskuwelahan at lugar pasyalan.
Ayaw nang lumabas ng mga tao dahil sa panic!
◘◘◘
Ang bangko ay babagsak kapag walang nagdedeposito.
Bagsak din ang negosyo kapag walang kilos ang mga tao!
◘◘◘
Makikita natin ang epekto ng balik-probinsiya.
Tutumal ang kalakalan sa Metro Manila na magpapahina sa ekonomiya!
◘◘◘
Gumamit ng recorded or taped press release broadcast ang Malakanyang.
Baket?
Wala lang!
◘◘◘
Inamin ni P-Digong ang typo error na may 160 milyong adik sa ‘Pinas.
Sa media, ito ay erratum!
◘◘◘
Bumaba ang presyo ng petrolyo.
Nabawasan nang malaki ang behikulo sa kalye!
◘◘◘
Stress-related illness ang pandemya ngayon.
Kasama na ang heart attack, alta-presyon, stroke at mga sakit na hindi kayang ipaliwanag ng mga doktor!
◘◘◘
Lalong darami ang kaso ng mga biglaang pagkamatay.
Marami ang ninenerbiyos kasi hindi nila alam ang sitwasyon sa Pasko at Bagong Taon!
◘◘◘
Isusumite na sa Senado ang 2021 budget bill.
Sandamakmak ang “korupsiyon” sa loob nito.
D’yan kayo magsimula sa “giyera kontra korapsiyon”!