top of page
Search
  • BULGAR

Du'n din daw nabuo ang anak na si Luna… JUDAY AT RYAN, SA NEW ZEALAND NAPILING MAG-RETIRE

ni Ador V. Saluta - @Adore Me! | June 23, 2021



File photo-IG ryan_agoncillo - officialjuday


Ang bansang New Zealand ang napiling lugar ng mag-asawang Judy Ann Santos at Ryan Agoncillo sakaling pag-isipan nilang mag-retire na from showbiz.


Dalawang beses nang nakapunta sa New Zealand sina Juday at Ryan kasama ang mga anak at ang huli nilang punta ru'n ay taong 2015 with best friend nilang si Beth Tamayo, dating aktres na ngayo'y naninirahan na rin sa ibang bansa.


Ipinasyal nila ang mga anak sa Hobbiton Movie Set Tour in Waikato, New Zealand na siya ring naging location shooting ng The Lord of the Rings film trilogy and The Hobbit film trilogy.


Kung tatanungin si Ryan kung bakit New Zealand ang para sa kanila'y ideal retirement place, "New Zealand kasi, we just really fell in love with the place kasi mas maraming baka kesa sa tao. Tapos, ang daming puno. Wala kang basurang makikita.


"And then, the kids, you can see them going up to the school. Tapos, nakaapak silang uuwi sa kalsada. It's just so free. Napakalibre nu'ng lugar. 'Yung ang linis, ang lawak," sagot ng aktor-TV host.


Dahil sa nakita o naranasan ni Judy Ann habang nasa New Zealand, kumbinsido ang aktres na ito nga ang magandang lugar for retirement.


Aniya, "We could have... At some point, hindi imposibleng mag-migrate sa New Zealand in the future. 'Yung ganu'n siya, ganu'n 'yung effect niya sa amin."


Nabanggit din ni Juday na sa NZ nabuo ang anak nilang si Luna.


"Nu'ng pangalawang punta namin, alam namin na may nabuo rito. 'Yun na nga, tumpak!


Jackpot! Pag-uwi, 'yun na! Okay, good job. Achieved!" pagtatapos ng aktres.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page