Drone attack sa Black Sea... Barkong may sakay na 19 Pinoy, sapul

by BRT @News | November 19, 2026

Photo: LPG tanker ship na sakay ang mga Pinoy seafarer - French Armed Forces - Circulated
Nasagip ang 19 Pilipinong tripulante ng isang barkong may kargang liquefied petroleum gas (LPG) matapos itong tamaan habang naglalayag sa Black Sea, malapit sa baybayin ng Bulgaria, nitong Martes, Nobyembre 17.
Ayon sa mga awtoridad ng Bulgaria, ang barkong Gas Husky ay may dalang 3,400 toneladang LPG mula Egypt patungong Romania nang mangyari ang insidente.
Nawala umano sa radar ang barko bago nagpadala ng distress signal, dahilan upang magsagawa ng rescue operation ang mga awtoridad.
Hindi pa natutukoy kung ano ang tumama sa barko, sa gitna ng mga naitalang drone attack sa Black Sea na iniuugnay sa digmaan sa Ukraine.





Comments