Dragons, tabla sa 2-2, NBL, unahan sa Game 2

ni Clyde Mariano / A. Servinio @Sports | January 7, 2023

Bumawi ang Bay Area Dragons at tinalo ang Barangay Ginebra sa Game 4, 94-86, at itabla ang serye sa 2-all sa best-of-seven title series sa PBA Commissioner’s Cup na pinanood ng mahigit 15,000 fans kasama si dating Commissioner at Samahan Basketball ng Pilipinas Executive Director Sonny Barrios sa Mall of Asia.

Sa kabila nang hindi naglaro si Canadian NBA veteran import Andrew Nicholson lumaban nang husto ang guest team at tinalo ang Kings at itabla ang serye para palakasin ang kanilang title campaign sa una nilang pagsali sa PBA.

Umiskor sa Kobey Lam 30 points at humakot siyam na rebounds at nag-ambag si Glen Richardson ay Ziu Songwei ng tig-18 points sa guest team na kumulekta 52 rebounds at 16 assists. Tinanghal sina Scottie Thompson bilang best player na may 917 points at si Justine Brownlee bilang Best Import of the Conference.

Samantala, kumilos ang Taguig Generals sa second half upang talunin ang bisitang La Union PAOwer, 113-108, sa Game 1 ng seryeng best-of-three finals para sa 2022 National Basketball League (NBL) Chairman’s Cup Miyerkules ng gabi sa siksikang Hagonoy Sports Complex. Maaaring wakasan ng maaga ng Generals ang serye sa Game 2 ngayong Sabado (Enero 7) sa San Juan, La Union.

Pinaabot ni Dan Anthony Natividad ang lamang ng Generals sa 10 ng dalawang beses sa 4th quarter, ang huli sa 101-91 at 4:33 sa orasan.

Umaasa ang PAOwer na malaki ang maitutulong ng kanilang tagahanga sa Game 2 ngayong araw at bumalik ng Taguig sa Enero 11 para sa Game 3. Hindi pa natatalo ang La Union sa apat na laro sa kanilang tahanan mula pa 2019-2020 President’s Cup.