Don Julio at Declare For Flare, lalarga

ni Green Lantern - @Renda at Latigo |September 25, 2022

Nagpahayag ng pagsali sina Don Julio at Declare For Flare sa 2022 PHILRACOM Klub Don Juan De Manila Cup na ilalarga sa Metro Turf, Malvar - Tanauan City, Batangas sa Oktubre 2.

Bukod kina Don Julio at Declare For Flare ang ibang nagsaad ng paglahok sa nasabing stakes race ay sina Calamian Island, Kaboom, Marilag at Speed Fantasy. "Magandang laban na naman 'yan, mga dekalidad na kabayo ang kasali," saad ni Gavino Dela Cruz, veteran karerista.

May distansiyang 1,800 meter race, nakalaan ang guaranteed prize na P1M na ikakalat sa unang apat na kabayong tatawid sa finish line.

Kukubrahin ng mananalong kabayo ang P600,000, susungkitin naman ng second placer ang P225,000 habang tig-P125,000 at P50,000 ang third at fourth ayon sa pagkakasunod.

Ibubulsa ng breeder ng winning horse ang P50,000, tig-P30,000 at P20,000 ang second at third sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, bakbakan ang pitong kabayo sa 2-Year-Old Maiden Race na pakakawalan sa unang karera. Magtatagisan ng bilis sa 1,300 meter race ay sina Red Queen, War Hero, Gold 'N Silver, Grand Monarch, Family Affair, Malibu Bell at Malita.

Sisikwatin ng may-ari ng mananalong kabayo ang P20,000 added prize kaya tiyak na bigay-todo ang lahat ng kabayong kasali.

Mga Pili ni Green Lantern:

Race 1 - Red Queen/War Hero (1/1A), Malibu Bell (6)

Race 2 - Chi Nita/Eyes On Sunrise (5/5A)

Race 3 - Advance Party (7), Gee's Favorite/Queen Margaux (1/1A)

Race 4 - Exceptional Gee (8), Kenkenrarabell (9), Avenue Shopper (4)

Race 5 - The Price Is Right (3), Twinkle Toes/Air Class (4/4A)

Race 6 - Gomper Girl (3), Doktora/Calle Loreto (1/1A), Liquid Gold (6)

Race 7 - Super Master/Ayuda (3/3A), Lucky Noh Noh (5)

Race 8 - Baby Boss (8), Manila Boy (13), Sagitsit (12)