Dollarama, tututukan ng mga astigin sa Turf

ni Green Lantern - @Renda at Latigo |September 16, 2022

Nakatutok ang limang matitikas na kabayo kay Dollarama na inaasahang magiging liyamado sa PHILRACOM Rating Based Handicapping System na ilalarga ngayong araw sa Metro Turf, Malvar - Tanauan City, Batangas.

Kikilatisin si Dollarama ng kanyang mga katunggali sa distansiyang 1,200 meter race.

Sasakyan ni class A jockey Rodeo Fernandez, makikipagtagisan ng bilis si Dollarama kina Wessfacckol, Charm Luck, Kid Kenshin, Winsome Maxxine at Adarna sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

May ipamumudmod na P15,000 guaranteed prize na ikakalat sa unang apat na kabayong tatawid sa meta habang may karagdagang P5,000 ang hahamigin ng winning horse owner.

Pitong races ang pakakawalan ng Metro Manila Turf Club Inc. (MMTCI) ngayong araw kaya masisiyahan muli ang mga karerista sa kanilang pananaya.

Samantala, kanselado ang karera kahapon sa Sta. Ana Park sa Naic, Cavite.

Ayon sa mga komento ng mga karerista sa social media, walang masyadong nagdeklara ng pagsali kaya minabuting ipagpaliban muna ang pagpapatakbo ng karera sa Sta. Ana.

Ngayon at Bukas (Sabado), ang Metro Manila Turf Club Inc. (MMTCI) ang magpapakarera at ang Manila Jockey Club Inc. (MJCI) ang punong abala sa mga stakes races na pakakawalan sa Linggo sa San Lazaro Leisure Park sa Carmona, Cavite.

Inaasahang daragsain ng mga karerista ang karerahan para saksihan ang tatlong stakes races na ilalarga, ito'y ang 2022 PHILRCOM Lakambini Stakes race, Road to Juvenile at Imported/Local Challenge Race.

Mga Pili ni Green Lantern:

Race 1 - Dollarama (5), Charm N Luck (2)

Race 2 - Boysofmeadows (4), Boodle Fight (6), Rafa (5)

Race 3 - Kevlar (1), Born In April (2)

Race 4 - Determinado (6), Bishop Blue (8), Signature Move (2)

Race 5 - Top Grosser (1), Cookie Crumble (5), Munich (7)

Race 6 - Jawo (6), Iron Hook (4)

Race 7 - Coastal Road (9), Goldbar (5), Daldalero (2), Yabba Dabba Doo (8)