DOH, aminadong may ‘error’ sa datos ng COVID cases

ni Ka Ambo - @Bistado | April 08, 2021

Sumasabay ang krisis sa West Philippine Sea sa krisis sa COVID.

Paktaylo!

◘◘◘

WALANG panalo ang Pilipinas sa WPS at maging sa COVID crisis.

Double crisis ini!

◘◘◘

NAGGIGIRIAN na rin ang mga barko de-giyera ng malalaking bansa sa Pacific Ocean.

Kaliwa’t kanan ang digmaan kung sakali!

◘◘◘

SUMUSUGOD na ang mga war armaments ng Russia sa border ng Ukraine.

Ibinabala na ang digmaan sa naturang hanggahan!

◘◘◘

NAGSIMULA ang gulo sa daigdig nang bansagan ni US President Joe Biden si Russian strongman Vladimir Putin na ‘murderer’.

Mahirap talagang maging lider ang ‘ulyanin’!

◘◘◘

MINAMALAS ang U.S. — nagkasunod na pangulo sa White House ay parehong “may banto”.

Huwag sana itong maranasan ng mga Pinoy!

◘◘◘

INAAMIN ng DOH na may “error” ang mga inilabas na datos sa COVID cases sa nagdaang ilang araw.

Kitam, imposible ang mga “datos”—dahil sa “error”!

◘◘◘

MADALING matukoy ang “error” ng mga mathematician.

Ganyan din sa statistics, ang bihasang mathematician ay nakauunawa kung ano ang imposible at alin ang posibleng nararanasan!

◘◘◘

MARAMING estudyante ang kumukuha ng medicine kaysa engineering dahil “hirap sa Math”.

Sa medisina, kailangan mahusay lang ang memorya, pero sa “matematika”, kailangan ang husay sa pag-aanalisa at pagtantiya!

◘◘◘

ANG krisis ay lumalala dahil ang nangangasiwa ay bihasa sa pagmemorya, pero hindi sa pag-kompyut ng datos.

Pero, ang pinakapuno naman—ay bihasa sa “military tactics”.

Invisible ang kalaban sa COVID crisis, kaya’t hindi epektibo ang taktikang pandigmaan na ginagamit natin kontra krisis!

◘◘◘

NAKASANDAL si P-Digong sa payo ng mga tao sa kanyang paligid.

Ilan ba ang mathematician at saykologo sa paligid ni P-Digong?

Posibleng wala.

Mas marami sa kanyang sirkulo ay tsismoso’t tsimosa lang!

◘◘◘

NAMUMUNINI ang mga pusakal sa sugarol.

Isa itong masamang sumpa!

◘◘◘

SANREKWA ang badyet sa kampanya ng mga buwitre.

Kaawa-awang ‘Pinas!