Julie Bonifacio - @Winner | February 27, 2021
Nag-react ang ilang netizens sa isang perfume store na binanggit ni Jessy Mendiola sa kanyang perfume collection video on her YouTube channel.
Nagbebenta raw kasi ng fake perfumes ang store na pinagbilhan ng ilan sa mga perfumes ni Jessy na kasama sa kanyang My Perfume Collection + Top 5 Favorite Scents vlog.
"There has been feedback that the shop you just plugged sells fake perfumes. Of course, they don't call it "fake" but "US Authentic Testers" instead. Be careful na lang. Bal D' Afrique by Byredo and Neroli Portofino from the Tom Ford Private Blends are heavily faked all around. Mag-ingat na lang sa lahat."
"F...k that fragrance shop, magse-send ng original bottles sa celebrities para ma-endorse, pero 'yung mga pangkaraniwang tao, bebentahan ng "US Authentic Tester" a.k.a. "fake" bottle."
Hinanap namin sa online ang naturang perfume store at nakita namin ang pictures ng ilang celebrities na nabigyan ng ibinebenta nilang pabango kabilang na sina Paolo Ballesteros, Wendell Ramos at Pia Wurtzbach.
At kahit daw si Heart Evangelista, endorser din ng said online perfume store.
Bukas ang aming pahina para sa pahayag o sagot nila sa akusasyon ng ilang netizens.
Anyway, bukod sa mga perfumes na nabili or ibinigay kay Jessy ng naturang fragrance shop, ipinakita rin ng fianceè ni Luis Manzano ang pabangong regalo ng soon-to-be mother-in-law niya, si Star for All Seasons at Lipa City Congresswoman Vilma Santos-Recto.
"Next naman ay ang galing din sa Hermes, ang Galop D' Hermes (Eu de Parfum). Bigay sa akin ni Momskie. Thank you very much, Momskie," ubod-tamis na ngiti ni Jessy.
Ang "Momskie" ay ang pamosong tawag ni Luis sa kanyang ina na si Congw. Vi. At kung mapapansin, matunog na 'Momskie" na rin ang tawag ni Jessy kay Congw. Vilma. And why not?
Mukhang tuloy na tuloy na at wala nang makakapigil pa sa wedding nina Luis at Jessy this year. Kaya, may malaking "K" na si Jessy na tawaging "Momskie" si Congw. Vilma.
Although, may nabalitaan kaming may mga nag-a-advise kina Luis at Jessy na hintayin munang tuluyang mawala ang covid virus sa bansa para nga naman lahat ay maka-attend sa kasal.
True!