'Di lang sina Angel at Liza… MAYOR ISKO, TINAWAG NA SUPPORTER NG NPA

Julie Bonifacio - @Winner | October 28, 2020

Nag-react si Armed Forces of the Philippines Southern Luzon Command (Solcom) Chief Lieutenant General Antonio Parlade, Jr. sa inilabas na ebidensiya ni Angel Locsin sa kanyang Instagram account two days ago. Ito 'yung transcript of records ng kapatid ni Angel na si Ella Colmenares noong nag-aral ang huli sa Philippine Christian University.

Inilabas ito ni Angel para pabulaanan ang sinabi diumano ni Gen. Parlade na may witness siyang magpapatunay na ang kapatid ni Angel na si Ella ay nagkaroon ng partisipasyon sa pag-atake ng rebeldeng grupo sa Polilio.

Sa programa ni Karen Davila sa ANC ay naging panauhin niya si Gen. Parlade.

Inilagay ni Angel sa kanyang Instagram ang ilan sa mga sinabi ni Gen. Parlade sa interbyu sa kanya ni Karen.

“It’s not right. Why not call me and ask about those things? Why accuse me? That’s not fair. Sa Facebook wall niya pa. Tine-threaten niya ako," pahayag ni Gen. Parlade na nakalagay sa caption ng video ng interbyu ng high-ranking AFP official.

Kasunod nito ay ang reaksiyon naman ni Angel sa pahayag ni Gen. Parlade.

"Me: O, bad trip 'di ba? Apir."

Ibig sabihin ni Angel, naramdaman din ni Gen. Parlade kung ano ang feeling ng ginawa niya sa Kapamilya actress at kapatid nito sa pagta-tag na members sila ng New People's Army.

Nag-comment naman ang mga IG followers ni Angel ng pagsang-ayon sa post niya.

" Bilog ang mundo, Heneral!!! It really hurtzz."

"Actually, sila rin ang gumagawa ng sarili nilang kahihiyan. Real talk 'yan, haha."

"Oh, 'di ba, Sir, bumalik din sa 'yo? Haha!"

Sa huling bahagi ng caption ni Angel sa kanyang last IG post ay nagpasalamat naman siya kay Cavite Governor Jonvic Remulla.

"Thank you Gov. Remulla for giving him a dose of his own medicine."

Sa social media account kasi ni Gov. Jonvic ay kinondena niya ang "red-tagging" at pagtawag sa tatlong female celebrities na sympathizers o supporters ng NPA.

"Ako ay nababahala sa “Red Tagging” operations na isinasagawa ng ilang sangay ng Sandatahang Lakas ng Republika ng Pilipinas. Bukod sa pananakot ay ni-red tag pa bilang “Communist Supporters” o sympathizers ang mga prominenteng personalidad tulad nina Angel Locsin, Liza Soberano at Catriona Gray. Kahit si Isko Moreno Domagoso ay idinamay na rin," ilang bahagi sa post ni Governor Jonvic.

At sa huling bahagi ng kanyang post ay may mensahe pa siya kay Gen. Parlade with sub-heading na Parlade VS the Women of the Philippines.

"Lieutenant General Antonio Parlade, Jr. should be ashamed of himself. Threatening progressive and outspoken WOMEN who want to encourage a stronger feminist culture? That does NOT make them co-conspirators nor allies of the left wing.

"Kahit si Yorme na nagtanggal lamang ng mga posters ay tinagurian agad na sympathizer.

Ok ka lang, Parlade? Your train of thought and reasoning are preposterous and shifty.

"If you want to threaten the lives of public personalities, may I suggest that you try knocking out someone on the same weight class?

"Let me assure you that if you or any of your men put up similar posters or tarpaulins in the Province of Cavite, they will NOT last a day!"

Pinuri naman si Gov. Jonvic ng mga followers ni Angel sa IG.

"Agree, iba si Gov. Remulla."

Tinawag naman ni Gov. Jonvic ng 'madam' si Angel sa kanyang comment sa IG matapos siyang pasalamatan ng aktres.

"You are most welcome, Madam," say ni Gov. Jonvic.

Nag-reply naman si Angel sa comment ni Gov. Jonvic ng ganito, "Idol (raising hands emoji)."

'Yun, oh!