Desisyon sa impeachment kahit binatikos... Sotto, absuwelto sa SC

ni Mylene Alfonso @News | October 14, 2026

Photo: Rodrigo Duterte - ICC

Sa isang mahalaga at makasaysayang desisyon na isinulat ni Senior Associate Justice Marvic Leonen, muling pinagtibay ng Korte Suprema ang matatag nitong paninindigan sa kalayaan sa pagpapahayag matapos nitong ibasura ang petisyong indirect contempt laban kay Senador Vicente “Tito” Sotto III.

Sa desisyong isinulat ni Leonen, binigyang-diin ng Korte Suprema na protektado ng Saligang Batas ang kalayaan sa pagpapahayag, kabilang ang pagpuna sa mga desisyon ng korte.

Naghain ng petisyon si Atty. Manuelito Delos Reyes Luna at iba pa matapos batikusin ni Sotto ang naunang desisyon ng Korte Suprema na nagdeklarang unconstitutional ang impeachment complaint laban kay Duterte dahil sa paglabag sa one-year bar rule at kawalan ng due process.

Gayunman, iginiit ng Hukuman na hindi maituturing na contempt ang mga pahayag ni Sotto dahil walang sapat na batayan upang sabihing humadlang ang mga ito sa pagpapatupad ng hustisya.

Binigyang-diin din ni Leonen na dapat manatiling bukas ang mga hukuman sa pampublikong kritisismo at hindi gamitin ang contempt power bilang paghihiganti sa mga kritiko.

Muling pinagtibay ng Korte Suprema na mahalaga ang malayang pagpapahayag at paggalang sa magkakaibang pananaw sa isang demokratikong lipunan.