Insertions, parte ng budget process — SP Sotto

by Info @News | September 29, 2025

Photo: TIto Sotto - Senate of the Philippines

Sinabi ni Senate President Vicente ‘Tito’ Sotto III na parte ng budget process ang amendments o insertions kasunod ng pagsingit ng ilang mambabatas sa mga insertion na naganap sa 2025 General Appropriations Act.

“Amendments or insertions, whether individual or institutional, done during the deliberations in the Senate, are part of the regular budget process,” ayon kay Sotto.

Idinagdag din niya na, “It is unfortunate that the issue on ghost projects and failed flood control projects affect and generalized all amendments as illegal or improper.”

“Rest assured that for the 2026 budget, the Senate will institute changes for greater transparency, people’s participation and accountability,” saad pa nito.

7 senador, tinawag na tuta ng administrasyon.. Blogger, 4 yrs. kulong sa cyber libel

ni BRT @News | July 15, 2023

Guilty ang hatol ng isang korte sa Pasay City sa blogger na si Edward Angelo 'Cocoy' Dayao sa reklamo sa kanya ng pitong dati at kasalukuyang senador.

Matatandaang noong 2017 tinawag ni Dayao sa kanyang “Silent No More PH” blog post na “Malacañang lapdogs” o tuta ng administrasyon si dating Senate President Vicente ‘Tito’ Sotto III.

Bunga nito, inireklamo ang blogger ng cyber libel alinsunod sa Republic Act 10175 o Cybercrime Prevention Act of 2012 noong Hulyo 13, 2018.

Kasama rin sa naturang bansag sina Sens. Aquilino 'Koko' Pimentel III, Juan Miguel Zubiri at Cynthia Villar maging sina dating Sens. Manny Pacquiao, Gregorio Honasan, at Richard Gordon, dahil sa hindi umano nila paglagda sa resolusyon na kumukondena sa pagkamatay ng ilang menor-de-edad sa war against drugs ng administrasyong Duterte.

Sa desisyon ni Acting Presiding Judge Gina Bibat-Palamos, ng RTC Branch 111, pintawan si Dayao ng dalawa at kalahating taon hanggang apat na taon at limang buwang pagkabilanggo.

Suspensyon ng e-sabong license, aprub kay P-Du30 – Sotto

ni Lolet Abania | February 28, 2022

Inaprubahan na ni Pangulong Rodrigo Duterte na isuspinde muna ang mga lisensiya ng online cockfighting o “e-sabong”, habang nakabinbin ang resolusyon ng mga kaso ng 31 missing cockfighting enthusiasts o “sabungeros,” ayon kay Senate President Vicente Sotto III ngayong Lunes na mula aniya, sa ibinigay na impormasyon ni Senador Ronald dela Rosa.

“Sen. Dela Rosa informed me that PRRD told him yesterday that he agrees!” ani Sotto sa isang tweet. Subalit, wala pang kumpirmasyon sa ngayon si Dela Rosa hinggil sa naging pahayag ni Sotto. Samantala, sinabi ng Malacañang na maghintay na lamang muna ang publiko ng anunsiyo na manggagaling kay Pangulong Duterte.

“Abangan na lang natin mamaya sa Talk to the People, or even before that kung meron kaming ilalabas na announcement,” sabi ni acting Presidential Spokesperson Karlo Nograles sa isang press briefing.

Si Dela Rosa ay siyang chairman ng Senate Committee on Public Order and Dangerous Drugs, kung saan iniimbestigahan ang pagkawala ng 31 sabungero.

Sa isang Senate hearing noong nakaraang linggo, nag-propose ng isang resolution sina Sotto at Senador Panfilo Lacson na humihiling kay Pangulong Duterte para atasan nito ang Philippine Amusement and Gaming Corporation (PAGCOR) na pansamantalang itigil ang mga e-sabong operations.

Kabilang sa mga existing e-sabong licenses ay sa Belvedere Vista Corp., Lucky 8 Star Quest Inc., Visayas Cockers Club Inc., Jade Entertainment And Gaming Technologies, Inc., Newin Cockers Alliance Gaming Corp., Philippine Cockfighting International Inc. at Golden Buzzer, Inc.

Ayon kay PAGCOR Acting Assistant Vice President for E-Sabong Department na si Diane Erica Jogno, agad namang susunod ang ahensiya sa pagpapasuspinde sa mga lisensiya ng mga e-sabong.

“We are okay with suspending e-sabong and we will secure approval from the Office of the President,” sabi ni Jogno.

Nakatakda naman ang susunod na Senate hearing hinggil sa nawawalang sabungero sa Biyernes, Marso 4.