De Vera, mananatiling CHED chairman – P-BBM

ni Lolet Abania | July 23, 2022

Muling hinirang ni Pangulong Ferdinand “Bongbong” Marcos Jr. si Prospero de Vera III bilang chairman ng Commission on Higher Education (CHED).

Si De Vera ay nagsilbing chairman ng CHED mula Oktubre 2018 hanggang Hulyo 21, 2022.

Naging commissioner ng CHED si De Vera noong Setyembre 2016 at na-appoint bilang officer-in-charge ng higher education regulatory body nang mag-resign ang kanilang chair na si Patricia Licuanan noong Enero 2018.

Ginawa na ring opisyal ni Pangulong Marcos ang appointment ni Raphael Perpetuo Lotilla bilang secretary ng Department of Energy (DOE), matapos na ipahayag ng Department of Justice (DOJ) na maaari na ni Lotilla na tanggapin ang posisyon kung magsisilbi ito bilang isang independent director sa power firms na Aboitiz Power at Exenor.

Si Lotilla ay nagsilbi bilang DOE secretary mula 2005 hanggang 2007 sa panahon ng termino ni dating Pangulong Gloria Macapagal Arroyo.

Gayundin, pinanatili ng Pangulo si Rosalia Villegas de Leon bilang National Treasurer of the Philippines.

Ang mga itinalaga ni Pangulong Marcos ay ang mga sumusunod:

• Franz Josef George Espina Alvarez bilang Acting President, Chief Executive Officer at Member, Board of Directors ng PNOC Exploration Corporation;

• Philippe Jones Lhuiller bilang Ambassador Extraordinary and Plenipotentiary to the Kingdom of Spain, Including the Canary Islands;

• Pedro Ramirez Laylo bilang Ambassador Extraordinary and Plenipotentiary to the State of Israel;

• Emmanuel Buenaflor Salamat bilang Executive Director, National Secretariat of the National Task Force to End Local Communist Armed Conflict;

• Epimaco Verano Densing III bilang Undersecretary, Department of Education;

• Ferdinand Galvez Sevilla bilang President, Philippine Public Safety College, Department of the Interior and Local Government;

• Benny Diaz Antiporda bilang Acting Administrator and Member, Board of Directors of the National Irrigation Administration;

• Monica Prieto Teodoro: Special Envoy of the President to the United Nations Children’s Fund (UNICEF); and

• Alex Quiroz: Chairman Governance Commission for Government-Owned or Controlled Corporations.

Ayon kay Press Secretary Trixie Cruz-Angeles ang mga opisyal ay na-appoint ng buong isang linggo.