Davao del Sur, niyanig ng magnitude 5.5 na lindol

ni Lolet Abania | October 19, 2022

Niyanig ng magnitude 5.5 na lindol ang Matanao sa Davao del Sur ngayong Miyerkules ng hapon, ayon sa Philippine Institute of Volcanology and Seismology (PHIVOLCS).

Batay sa PHIVOLCS, alas-4:05 ng hapon naitala ang lindol na tectonic ang pinagmulan at may lalim na 1 kilometro.

Habang ang epicenter nito ay nasa 6 kilometro southwest ng bayan ng Matanao.

Naramdaman ang Intensity IV sa mga lugar sa Davao City at General Santos City.

Naitala naman ang Instrumental Intensities ng lindol sa mga sumusunod na lugar:

* Intensity V: Kidapawan City; Koronadal City, Norala, South Cotabato

* Intensity IV: Jose Abad Santos, Davao Occidental; Alabel, Sarangani; Tampakan, Tantangan, Tupi, General Santos City, South Cotabato; Columbio, Sultan Kudarat

* Intensity III: Libona, Bukidnon; Don Marcelino, Davao Occidental; Maasim, Kiamba, Malapatan, Sarangani; Santo Niño, Polomolok, Suralla, T’Boli, South Cotabato

* Intensity II: Alamada, Cotabato; Nabunturan, Davao de Oro; Maitum, Sarangani; Lake Sebu, South Cotabato

* Intensity I: Malaybalay, Cagayan de Oro, Misamis Oriental

Ayon pa sa PHIVOLCS, asahan na ang mga pinsala at aftershocks dahil sa lindol.