Dating AFP chief of staff Abadia, pumanaw na

ni Lolet Abania | January 10, 2022

Pumanaw na si dating Armed Forces of the Philippines (AFP) chief of staff General Lisandro Abadia sa edad na 83.

Sa isang statement na inilabas ngayong Lunes, sinabi ni AFP spokesperson Colonel Ramon Zagala na ang AFP ay labis na nakikidalamhati sa pamilya at mga kaibigan ng yumaong si Abadia.

Ayon kay Zagala, pinamunuan ni Abadia ang AFP mula Abril 1991 hanggang Abril 1994, aniya, “paved the way for the professionalization of the military and the return of meritocracy in its promotion system.”

“He also led the AFP Campaign Plan ‘Lambat Bitag’ that significantly decreased the strength of the communist terrorist group,” dagdag ni Zagala.

Nakatakdang bigyan ng AFP ng military honors si Abadia bilang parangal sa kanyang iniwang legasiya at mga sakripisyo bilang isang sundalo at mahusay na lider ng organisasyon.

“Again, we send our deep condolences and sympathies to his family," sabi ni Zagala

Si Abadia ay miyembro ng Philippine Military Academy (PMA) Class of 1962.