Daming problema sa modules ng ilang public schools, ba’t walang emergency response?

ni Ka Ambo - @Bistado | October 20, 2020

BUBUNGKALIN na ang oil reserves ng Pilipinas sa West Philippine Sea.

Lalong popogi si P-Digong sa mata ng madla!

◘◘◘

PINARAMI na ang sakay ng LRT at MRT.

Ingat sa mga mandurukot!

◘◘◘

NORMAL na sa maraming lugar.

Media at gobyerno na lamang ang hindi normal!

◘◘◘

KAPAG hindi nanonood ng telebisyon, nagbabasa ng diyaryo, nakikinig ng radyo at wala kang cellphone at gadgets—normal ang iyong pakiramdam pag labas ng bahay.

Subukan ninyo!

◘◘◘

PATOK daw ang sex toys sa mga babaeng Tsino.

Huh, mahahawa na naman d’yan ang buong mundo!

◘◘◘

INIATRAS ng China ang clinical trials Phase 3 sa ikalawang vaccine kontra COVID-19.

Ito ay dahil sa hindi maunawaang dahilan.

Weh!

◘◘◘

NAGKAKAABERYA ang modules ng ilang public schools.

Wala bang emergency response?

◘◘◘

ANG modular ng DepEd ay mayroon ding physical.

Kailangan pa kasing personal na kunin, hawakan, ipasa at basahin ang modular print copy.

Kailangan pa itong ipa-“print” o idaan sa copier o “xerox”.

Hindi ito totoong “full online class” ini!

◘◘◘

EPEKTIBO ang coconut virgin oil laban sa COVID-19.

‘Yan ay nagmula mismo sa DOST!

◘◘◘

APRUB na sa Kamara ang P4-trilyong budget bill.

Lilipat ang problema sa Senado!