Dahil most child-friendly… 10 barangay, 3 presinto, kinilala at binigyan ng cash – Makati gov’t

ni Lolet Abania | December 9, 2022

Sampung barangay at tatlong police community precincts sa Makati City ang nakatanggap ng cash prizes para sa 2022 Search for the Most Child-Friendly Barangay and PCPs.

“Congratulations to all the barangays and PCPs who were vetted as most child-friendly this year. Because of your hard work and dedication, Makati continues to be a safe place for children. We are truly grateful to have you as our trustworthy partners in building safe communities for young Makatizens to thrive and achieve their full potential,” pahayag ni Mayor Abby Binay sa isang press statement.

Ayon sa alkalde, lahat ng mga nanalong barangay at police substations ay nakatanggap ng cash prizes at seals base sa kanilang kaukulang ratings. Ang mga barangay na binigyan ng rating na five stars bawat isa ay nagwagi ng P500,000. Sa mga nakuha ng four-star ratings ay nabigyan ng P250,000, habang ang mga barangay na nakakuha ng three stars bawat isa ay mayroong P100,000.

Parehong ang Barangays San Isidro at Bel-air ay na-rate ng five stars habang ang mga Barangays Southside, East Rembo at Pio del Pilar ay nakakuha ng four stars, at ang mga Barangays Poblacion, San Lorenzo, Pembo, West Rembo, at Guadalupe Viejo ay nakakamit ng three stars.

Nabigyan naman ang police substation ng Guadalupe ng five stars at tumanggap ito ng cash prize na nagkakahalaga ng P350,000. Ang Palanan PCP ay nakakuha ng four-star rating at tumanggap ng

P200,000 cash prize, habang ang PCP ng Bangkal ay nakakamit ng three stars at tumanggap ng P150,000 cash prize.

Noong Martes, itinanghal ang mga winners sa isang awarding ceremony sa Makati City Hall na dinaluhan ng mga key city officials, kabilang na sina Vice Mayor Monique Lagdameo, First District Representative Kid Peña, Second District Representative Luis Campos, city councilors, barangay captains, at PCP commanders.

Ayon kay Binay, “All 33 barangays are automatically considered participants in the annual competition and are grouped into five categories based on their similarities, such as income, population, and presence/absence of elementary and high schools.”

“Barangays are evaluated in key areas based on the children’s survival, development, protection, and participation,” dagdag ng mayor.

Aniya pa, ang ibinigay na cash award ay eksklusibo namang gagamitin para sa mga programa at proyekto na nakalaan sa mga kabataan.