Cybersecurity team kada ahensya ng gobyerno, panlaban sa hacker at scammer
@Editorial | October 09, 2023
Lumalala na ang mga kaso ng cyberattacks.
Ilang government agencies na ang napasok ng mga hacker, scammer at hindi lang basta nagdudulot ng abala, nagbabanta na rin sila kapag hindi nagbigay ng ransom.
Kaugnay nito, inihayag ng Department of Information and Communications Technology na dapat magkaroon ng sariling cybersecurity response team ang mga government agencies.
Kahit umano may National Computer Emergency Response Team (NCERT) ang Pilipinas, hindi kayang hawakan ng naturang team ang lahat ng ahensya ng gobyerno na nangangailangan.
Ang NCERT ay isang unit sa ilalim ng DICT na tumatanggap, nagsusuri, at tumutugon sa mga computer security incidents.
Kunsabagay, hindi na talaga kakayanin kung halos sunud-sunod ang nangyayaring cyberattacks at nagle-level up pa ang modus nila.
Kailangang makagawa ng paraan ang kinauukulan na malabanan ang ilegal na gawain.
Batid naman natin na ang mga transaksyon sa gobyerno ay may kaugnayan sa publiko.
Malalagay din sa alanganin ang kaligtasan ng mamamayan kapag nalantad ang mga impormasyon na dapat ay pribado.
Bilis-bilisan sana ang kilos ng mga opisyal ng gobyerno bago pa maghari ang mga manloloko.
Kung may mahuli, ilantad sa publiko at patawan ng mas mabigat na parusa.
Ang teknolohiya ay nilikha para mas mapadali ang pamumuhay, hindi para mang-abuso ng kapwa.
Sa pag-usbong ng mga hacker at scammer, napakahalaga na ang bawat ahensya ng gobyerno ay may maayos na cybersecurity professional services. Ang pagkakaroon ng eksperto sa cybersecurity ay hindi lamang proteksyon sa datos, kundi pati na rin sa integridad ng mga serbisyo publiko. Ang tamang seguridad ay nagbibigay ng tiwala sa mamamayan at nagtataguyod ng mas ligtas na digital environment.
Ang cybersecurity team ng bawat ahensya ng gobyerno ay pangunahing sandata laban sa mga hacker at scammer. Ang mahalagang papel ng EDR cyber security ay nagbibigay ng proteksyon laban sa mga cyber threat, pinoprotektahan ang sensitibong impormasyon at pinapanatiling ligtas ang mga serbisyo at operasyon ng pamahalaan.