Cool Smashers, wagi; Speed Hitters, semifinalist sa PVL

ni Gerard Arce - @Sports | July 31, 2022

Nakuha ng Creamline Cool Smashers ang ika-limang panalo sa bisa ng pagwalis sa Army-Black Mamba Lady Troopers sa bisa ng 25-20, 25-22, 25-16 sa unang laro, habang nakuha naman ng PLDT High Speed Hitters ang ikatlong silya sa semifinals ng biguin ang Cignal HD Spikers sa 25-19, 25-20, 21-25, 25-22 sa huling araw ng eliminasyon ng 2022 Premier Volleyball League (PVL) Invitational Conference sa FilOil EcoOil Centre sa San Juan City Sabado ng hapon.

Bumuhos ng all-around performance ang three-time league MVP ng kabuuang 15 puntos mula sa 12 atake, 2 aces at isang block, kasama ang 11 excellent receptions upang tapusin ang elimination round na may 5-1 kartada. Nakatulong ng 29-anyos na outside hitter ang power hitters na sina Tots Carlos at Jema Galanza na kumana ng 13 at 11 puntos, ayon sa pagkakasunod para tapusin ang preliminaries na nasa tuktok ng liderato sa 5-1 kartada.

“Everyone really played well from the bench to the starters, maganda yung ginawang strategy ni coach (Sherwin Meneses). We’re just really playing our best and we are very motivated in todays game,” pahayag ni Valdez. “We’re very happy [about the victory] but, I think we have a lot of things to improve going to the semifinals,” dagdag ni Valdez na naging malaking parte rin ng panalo para sa Cool Smashers si Julia De Guzman ng 22 excellent sets, kaantabay ang 3 puntos at Kyla Atienza na may 11 excellent receptions.

Kumunekta ng malinaw na panalo ang PLDT ng bumuhos ng impresibong laro si Mika Reyes na nagbigay ng 14 puntos mula sa 12 atake at 2 blocks para makatabla sa Cignal sa 4-2 rekord at pormal na makapasok sa semifinals, kung saan makakatapat nila ang Kobe Shinwa women’s University mula Japan at Taipei King Whales mula Taiwan sa second round.