ni Lolet Abania | October 25, 2020
Pumanaw na si Lee Kun-hee, ang chairman ng Samsung Group, pinakamalaking conglomerate sa South Korea, ngayong Linggo sa edad na 78, matapos ang anim na taong pananatili nito sa ospital dahil sa heart attack, ayon sa nasabing kumpanya.
"Lee is such a symbolic figure in South Korea's spectacular rise and how South Korea embraced globalisation, that his death will be remembered by so many Koreans," sabi ni Chung Sun Sup, chief executive officer ng corporate researcher firm na Chaebul.com.
Siya ang pinakabagong lider sa ikalawang-henerasyon sa South Korea na may malaking negosyong pinatatakbo ng isang pamilya ang namatay, kung saan maaaring ipamana ito sa kanyang mga naiwan.
Gayunman, si Jay Y. Lee na kanyang anak na lalaki ay may kinakaharap na legal issues tungkol sa isang merger ng dalawang Samsung affiliates na kailangang maresolbahan bago mapasakanya ang kontrol ng pamamahala sa flagship nito na Samsung Electronics.
Namatay si Lee kapiling ang pamilya kanina habang katabi ang anak na si Jay, ang Samsung Electronics vice-chairman.
"Chairman Lee was a true visionary who transformed Samsung into the world-leading innovator and industrial powerhouse from a local business. His 1993 declaration of 'New Management' was the motivating driver of the company’s vision to deliver the best technology to help advance global society," ayon sa statement ng kumpanyang Samsung.
“His legacy will be everlasting," dagdag na pahayag ng Samsung.