Certificate of Legal Capacity to Contract Marriage ng dayuhan

ni Atty. Persida Rueda-Acosta - @Magtanong Kay Attorney | February 19, 2021

Dear Chief Acosta,

Ang kapatid ko at ang kanyang British BF ay nagbabalak na magpakasal dito sa Pilipinas. Kinakailangan pa ba na magsumite ang kasintahan ng kapatid ko ng certificate of legal capacity to contract marriage, at saan siya makakakuha nito? –Maya

Dear Maya,

Para sa inyong kaalaman, ang inyong suliranin ay tinatalakay sa Executive Order No. 209, o mas kilalang The Family Code of the Philippines. Nabanggit sa Seksiyon21 ng nasabing batas ang sumusunod:

“Art. 21. When either or both of the contracting parties are citizens of a foreign country, it shall be necessary for them before a marriage license can be obtained, to submit a certificate of legal capacity to contract marriage, issued by their respective diplomatic or consular officials.
Stateless persons or refugees from other countries shall, in lieu of the certificate of legal capacity herein required, submit an affidavit stating the circumstances showing such capacity to contract marriage. (66a)”

Malinaw na nabanggit sa probisyon ng batas na kapag ang ikakasal o isa sa kanila ay citizen ng ibang bansa, kinakailangan niyang magsumite ng certificate of legal capacity to contract marriage mula sa kanilang diplomatic o consular officials bago sila makakuha ng marriage license.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.