CEO ng PITC ang ipinalit kay Patrick… ARA, TANGGAP NG BAGONG BF KAHIT MAY ANAK NA

ni Erlinda Rapadas - @Teka Nga! | November 17, 2020

Masaya ang love life ngayon ni Ara Mina dahil may bago siyang karelasyon sa katauhan ng businessman at Phil. International Trading Corporation president and CEO na si Dave Almarinez.

Two years daw na nanligaw kay Ara ang guy bago niya sinagot. At tinanggap ni Dave ang anak ni Ara kay Bulacan, Bulacan Mayor Patrick Meneses.

Mabait at malawak ang pang-unawa ng bagong BF ni Ara Mina at naipakilala na niya ito sa kanyang parents at mga kapatid.

May anak din sa una niyang karelasyon si Dave Almarinez. Ulila na siyang lubos at dalawa lang silang magkapatid ng kanyang ate na isang doktora na nasa ibang bansa ngayon.

Pabor naman ang malalapit na kaibigan ni Ara Mina sa BF niya. Deserve raw ng aktres ang muling umibig at maging maligaya pagkatapos ng breakup nila ni Mayor Patrick Meneses.

At dumating sa tamang panahon ang lalaking karapat-dapat sa kanyang pagmamahal!