California King, binabantayan

ni Green Lantern - @Renda at Latigo | March 9, 2022

Nakatutok ang mga liyamadista kay California King na sasabak sa 3-Year-Old & Above Maiden race na ilalarga sa San Lazaro Leisure Park sa Carmona, Cavite, ngayong araw.

Inaasahang malaking suporta sa mga karerista ang matatanggap ni California King na rerendahan ni jockey JA Guce sa distansyang 1,400 meter race.

Nakalaan ang added prize na P10,000 para sa winning horse owner, inaasahang mabibigyan ng magandang laban si California King kina Saoirse at Aroma.

Ang ibang kalahok sa event na suportado ng Philippine Racing Commission (PHILRACOM) sa pamumuno ni chairman Reli De Leon ay sina Elegant Angel, Solution, My Boy Lollipop, Reesy Baby, Ariana, Joyful Princess at Spaghetting Pababa.

Sasabak naman sa Condition Race (18) ang isa sa matitikas na kabayo sa Pilipinas na si Es Em Bee, makikipagtagisan ng bilis kontra limang kalahok na pakakawalan sa unang karera.

May distansiyang 1,500 meter race, sasakyan ni jockey CP Henson si Es Em Bee upang harapin sina My Jopay, Doctor Amorette, Forest Cover, Eugene Onegin at Seychelles.

Posibleng maging mahigpit na karibal ni Es Em Bee sina Eugene One Gin at Seychelles ayon sa mga komento ng karerista sa social media. Pili naman ng mga dehadista si My Jopay na sasakyan ni former Philippine Sportswriters Association, (PSA) Jockey-of-the-Year awardee, Jonathan Hernandez.

Samantala, inaasahang aabangan din ng mga karerista ang mga carry over sa Quartet, pentafecta at Super 6. Sa race 1 paglalabanan ang carryover na P25,138.46 habang sa race 2 naman ang Pentafecta (P11,130.43) at Super 6 (P16, 706.53).

Mga Pili ni Green Lantern:

Race 1. Es Em Bee (6), My Jopay (1)

Race 2. Pretty Meadow (3), Signature Whisky (12), Lucky Julliane (4)

Race 3. Blind Item (5), Jambo (10), Thunder Maxx (11)

Race 4. California King (3), Aroma (4), Solution (2)

Race 5. Blazing Bullet (4), Diwalwal/Misha (1/1A), Che Che (10)

Race 6. The Accountant (6), Beli Bell (4)

Race 7. Run And Gun (7), Rockaway (12), Step Bell (3)

Race 8. Big Bertha (13), Bacuit Bay (12), Rhaegal (4)