Calbayog ni Abrea, nagpabilib sa KDJM

ni Green Lantern - @Renda at Latigo |October 8, 2022

Pinabilib ni jockey EA Abrea ang mga karerista sa ipinakitang diskarte nang ipanaalo si Calbayog sa KDJM M. Arroyo Trophy Race na inilarga sa Metro Turf, Malvar - Tanauan City, Batangas noong Linggo ng gabi.

Dumiskarte si Abrea sa largahan, hindi nito pinatulan sa unahan si Prettiest star na humarurot agad paglabas ng aparato. Ang ginawa ni Abrea ay dinistansiyahan lang si Prettiest Star at ipinuwesto nito ang anak nina Ultimate Goal at Never left na si Calbayog sa segundo.

Papasok ng huling kurbada ay naagaw na ni Calbayog ang unahan kaya naman sa rektahan ay umungos ito ng dalawang kabayo. Nanalo si Calbayog ng may tatlong kabayo ang agwat sa pumangalawang Main Event.

Inilista ni Calbayog ang tiyempong 1:24.6 sa 1,400 meter race sapat upang hamigin ang added prize na P20,000 mula sa KDJM.

Ang nasabing event ay suportado ng Philippine Racing Commission, (PHILRACOM) sa pamumuno ni chairman Reli De Leon. Tumersero si Elegant Lady, pang-apat si Walkin In Sunshine habang pang-lima si Full Combat Order.

Samantala, siyam na karera ang pakakawalan ng Metro Manila Turf Club Inc. (MMTCI) ngayong araw kaya tiyak na masaya ang mga karerista sa kanilang paglilibang.

Isa sa aabangan ng racing aficionados ay ang bakbakan ng mga bagitong kabayo sa 3-Year-Old Maiden Race na ikakasa sa pang-apat na karera.

Magtatagisan ng bilis sina Montage, Heaven's Gift, Brainchild, Meet Me In Dcorner, Club Kensai, Cool Cat at Laparoscopy sa distansiyang 1,200 meter race.

Mga Pili ni Green Lantern:

Race 1 - Tanforan (6), Coastal Road (3), Namaskar (2)

Race 2 - Eyeshot (4), Security Supreme (1)

Race 3 - No Regret (5), Noir (6), Mettle Strength (3)

Race 4 - Club Kensai (5), Montage (1), Laparoscopy (7)

Race 5 - Professor Jones (1), Rain Rain Go Away (5)

Race 6 - A. P. Factor (4), Full Combat Order (2)

Race 7 - Caraga Wonder (4), Pulido/Determinado (5/5A), Ranagant (6)

Race 8 - Caloocan Zap (2), Light And Shade (3)

Race 9 - Alonzo Hall (1), Crown Jewel (7), Huckleberry (8), Charming Moon (11)