Buwayang Bato, kikilatisin

ni Green Lantern - @Renda at Latigo | February 12, 2022

Ipinapatok ng ibang karerista sa social media si Buwayang Bato na sasabak sa 3-Year-Old & Above Maiden Race ngayong araw sa Metro Turf, Malvar - Tanauan City sa Batangas.

Sasakyan ni former Philippine Sportswriters Association, (PSA) Jockey-of-the-Year awardee Jessie Guce, makikilatis ang tikas ni Buwayang Bato laban sa anim na tigasing batang kabayo sa distansyang 1,400 meter race.

Komento ng mga karerista, mahusay na kabayo si Buwayang Bato na pag-aari ni Mariano Tirona at inihahanda ni Ruben Tupaz. "Naririnig ko mahusay daw 'yan si Buwayang Bato, ngayon ko lang siya mapapanood," saad ni Victor Manabat, karerista.

Nakalaan ang added prize na P10,000 para sa mananalong 3-Year-Old horse, ang ibang kalahok ay sina Created, Hook The Hustler, Asik Asik Falls, Matinloc Island, Book Of Joy at Smart Bell.

Inaasahan naman na aabangan ng mga karerista ang bakbakan ng mga mahuhusay na kabayo sa PHILRACOM Rating Based Handicapping System na ilalarga rin sa nasabing lugar.

Masusubukan ang galing nina Minalim at Antique Collector pero tiyak na mapapalaban sila kay Avenue Shopper. Sasakyan ni KE Malapira si Antique Collector habang si RS Calubiran ang rerenda kay Minalim sa karerang may distansyang 1,400 meter race.

Maliban kay Avenue Shopper, makakatagisan ng bilis nina Minalim at Antique Collector sina Stolen Moment at Pagbabago.

Target ng mga kalahok ang added prize na P15,000 para sa unang apat na kabayong tatawid sa meta habang P5,000 na karagdagang premyo ang kukubrahin ng winning horse owner.

Samantala, walong races ang pakakawalan ng Metro Manila Turf Club Inc. (MMTCI) ngayong araw, suportado ito ng Philippine Racing Commission, (PHILRACOM).

Mga Pili ni Green Lantern:

Race 1. Minalim (5), Avenue Shopper (3)

Race 2. Fantastic Matty (8), Winning Move (5), Bunso (3)

Race 3. Matikas/Marilag (2A/2), Don Lucas (6), Smarty Jas

Race 4. Sierra Madre (3), Jawo, (6), Kawawang Cowboy (7)

Race 5. Buwayang Bato (2), Hook The Hustler (3)

Race 6. Jungkook (2), Viva Forever (3)

Race 7. Galing Sa Mabait (3), Star Of Kidapawan, (6)

Race 8. Morning (10), Caraga Wonder (11), Pendant (3)

Patok - Buwayang Bato,

Pandehado - Minalim