Businessman na galing sa kilalang pamilya… RIVER JOSEPH, TYPE NA TYPE SI HEART KAHIT MAY ASAWA NA

ni Erlinda Rapadas @Teka Nga | June 14, 20255

Photo: River Joseph at Heart Evangelista - PBB, YT.

Na-starstruck kay Heart Evangelista ang Pinoy Big Brother (PBB) Celebrity Collab Edition housemate na si River Joseph. Makikitang kumikinang-kinang ang mga mata niya nang masilayan si Heart.

Ibang-iba kasi ang aura ni Heart nang pumasok sa PBB house para maging celebrity houseguest. Maraming naaliw kay Heart dahil kahit sosyal na sosyal ang porma, kalog naman ito at very humble, sinikap na maka-adjust sa mga task habang nasa loob ng Bahay ni Kuya. 

Tumulong pa siyang magluto ng dessert na banana cue. 

Samantala, aminado si River Joseph na crush niya si Heart Evangelista kahit taken na. Guwapo naman siya, in fairness ha, na isa ring matagumpay na businessman at sport-minded. Galing siya sa angkan ng mga prominenteng pamilya at may kaya sa buhay.

---

May video na maglilinaw kung saan mapapanood ang basketball player na si Bobby Ray Parks, Jr. na kinakausap ang ina ni Zeinab Harake tungkol sa kanilang pag-iisang-dibdib dahil sa pagputok ng isyu na hindi pagdalo nito sa kanilang kasal. 

Bina-bash kasi ngayon si Zeinab dahil natiis daw niyang hindi imbitahin ang sariling ina na si Marife Ocampo sa kanyang engrandeng kasal. Ang tatay ni Zeinab ang naghatid sa kanya sa altar, kaya marami sa mga dumalo sa engrandeng kasalan ang nagtataka at nagtatanong kung bakit wala ang mom ni Zeinab sa kanyang special day. 

Bonggang-bongga nga ang kanilang kasal ni Ray Parks, pero hindi ito nasaksihan ng mom ni Zeinab. Paano raw natiis ni Zeinab ang sariling ina? 

Kaya kumakalat muli ngayon ang isang video kung saan ipinakita na si Ray mismo ang nagpunta sa mom ni Zeinab para personal itong imbitahin sa kasal nila. At hindi nila alam kung ano ang dahilan at hindi ito dumalo sa kasal. 

Pero ang mahalaga ay nagbigay sila ng respeto sa mom ng bride at hindi naetsapuwera sa kasalang Zeinab Harake at Ray Parks.

---

Natapos na ni Matteo Guidicelli ang kurso niyang business program sa Harvard University last December 24. At muli na naman silang maglalayo ng kanyang wifey na si Sarah dahil babalik na naman siya sa Boston, USA para mag-aral ng Marketing Executive Education sa Harvard. 

Pero ang lahat ng ito, ayon kay Matteo ay para sa maganda nilang future. Maging ang kanyang showbiz career ay pansamantalang iiwan ni Matteo dahil gusto niyang tapusin ang kanyang pag-aaral. 

May resto business ang pamilya ng aktor, at nagtayo rin sila ni Sarah ng recording studio kaya makakatulong sa kanya ang pag-aaral ng marketing course sa Harvard University.

Well, mahalaga ang edukasyon para kay Matteo, kaya nagpupursige siyang makatapos. Kahit papaano ay financially stable sila ni Sarah, kaya can afford silang mag-slow down muna sa kanilang career kung kinakailangan. At masaya sila sa kanilang set-up ngayon na walang stress at walang pressure.