Bosss Emong at Super Swerte, magbabanatan

ni Green Lantern - @Renda at Latigo | March 19, 2022

Isang tulog na lang at mapapanood na ng mga karerista ang muling paghaharap sa pista ng mahigpit na magkaribal na sina Boss Emong at Super Swerte.

Nakatakdang magtuos nina Super Swerte at Boss Emong sa 2022 Philracom Classic Cup race na ilalarga sa Santa Ana Park sa Naic, Cavite, bukas.

Plano ni Leonardo "Sandy" Javier Jr., may-ari ng kabayong Super Swerte na maka-rebanse ang kanyang pambato kay Boss Emong.

Kinapos si Super Swerte kay Boss Emong sa 2022 Philracom Commissioners' Cup na inilarga sa San Lazaro Leisure Park sa Carmona, Cavite, nakaraang buwan.

Bukod kina Boss Emong at Super Swerte, ang ibang kalahok sa distansiyang 1,800 meter race ay sina Isla Puting Bato, Shining Vic, War Cannon at 2020 Presidential Gold Cup champion Pangalusian Island. Sina Super Swerte at Boss Emong ay rerendahan ng dalawang dating Philippine Sportswriters Association, (PSA) Jockey of the Year Awardees, Jessie Guce at Jonathan Hernandez ayon sa pagkakasunod. "Sigurado magandang laban 'yan kahit paulit-ulit hindi ako magsasawang panoorin sila," saad ni Bryan Legaspi, veteran karerista.

May nakalaan na P2.5M guaranteed prize ang event na suportado ng Philippine Racing Commission, (PHILRACOM) sa pamumuno ni chairman Reli De Leon.

Hahamigin ng mananalong kabayo ang P1.5M habang hahamigin ng second placer ang P562, 500, ibubulsa ng third at fourth ang tig-P312,500 at P125,000.

Mga Pili ni Green Lantern:

Race 1. Reliable Den (4), Speeding Hero (3), The Accountant (7)

Race 2. Spunk Attack (5), Can You Guib (6), Magistrale (9)

Race 3. Forrest Gump (2), Stripe Of Pink (3), Calle Loreto (1)

Race 4. Abel Iloko (9), Jean Genie (12), Tomorrow Land (7)

Race 5. Lauriatisimo (6), Boss Mario (4), Illusion (9)

Race 6. Hantik (4), Hi Jack (1), Honey Ryder (2)

Race 7. Great Year (4), Kipitaki (7), Jambo (11)

Race 8. Rockaway (1), Work From Home (3), Filipino Emperor (10)